ბიოგრაფია

2007 წელს დაამთავრა აზიისა და აფრიკის ინსტიტუტის საერთაშორისო ურთიერთობების ფაკულტეტი არაბული ენის მიმართულებით. სწავლის პერიოდში გაიარა რამდენიმე მოკლე და გრძელვადიანი სასწავლო კურსი არაბულ ენაში (დამასკო, ალეპო, კაირო). 2017 წელს თბილისის თავისუფალი უნივერსიტეტის სოციალური და ჰუმანიტარული სადოქტორო პროგრამის ფარგლებში დაიცვა დისერტაცია თემაზე „საქართველოს ურთიერთობა ფატიმიანთა სახალიფოსთან XI საუკუნეში“ და მიენიჭა დოქტორის აკადემიური ხარისხი. იგი ორი მონოგრაფიის (ასასინები - მითი და რეალობა; „საქართველოს ურთიერთობა ფატიმიანთა სახალიფოსთან XI საუკუნეში), ერთი ბროშურის (ჯვაროსნები და ფატიმიანები) და არაერთი სამეცნიერო სტატიის ავტორია, ასევე 2 მონოგრაფიის (ქართველები და გარესამყარო 2 და ქართველები და გარესამყარო 3) თანაავტორი. 2009-2010 წლებში ასისტენტირებას უწევდა თბილისის თავისუფალი უნივერსიტეტის პროფესორებს ახლო აღმოსავლეთისა და რომის ისტორიის სწავლებაში. 2009 წლიდან ასწავლის არაბულ ენას თბილისის თავისუფალი უნივერსიტეტის საერთაშორისო ურთიერთობების სკოლაში. სხვადასხვა დროს, არაბული ენის ლექციებს ატარებს არაბული ენის სწავლების ყველა ეტაპზე (არაბული I, II, III, IV, V, VI, VII, VIII).