2023 წლის საველე პრაქტიკა

თავისუფალი და აგრარული უნივერსიტეტების 1200-მდე სტუდენტი 15 ივლისიდან 14 აგვისტოს ჩათვლით, 10 დღით იყო ზემო სვანეთში, თუშეთში, ზემო აჭარაში, ლეჩხუმში, ჯავახეთში, ლაგოდეხსა და ბორჯომში საველე პრაქტიკაზე. წელს ჯამში 32 ასეთი ბანაკი იყო.

საველე პრაქტიკის ფარგლებში სტუდენტები 10 დღით საველე ბანაკებში ნაწილდებიან საქართველოს სხვადასხვა კუთხეში უნივერსიტეტების მიერ შერჩეული კოორდინატორების ზედამხედველობის ქვეშ.

თავისუფალი და აგრარული უნივერსიტეტების სტუდენტებმა მოხალისეობრივი შრომით დაასუფთავეს სხვადასხვა ტერიტორია, მოაწესრიგეს ტურისტული ინფრასტრუქტურა და დაეხმარნენ ადგილობრივ მოსახლეობას სასოფლო-სამეურნეო საქმეებში.

საველე პრაქტიკა არის საგანი, რომელიც თავისუფალი და აგრარული უნივერსიტეტების თითოეული პროგრამის ნაწილია. მისი შექმნის და დანერგვის იდეა უნივერსიტეტების დამფუძნებელს კახა ბენდუქიძეს ეკუთვნის.

2013 წლიდან საველე პრაქტიკის ფარგლებში თავისუფალი და აგრარული უნივერსიტეტების უკვე 10 000-ზე მეტმა სტუდენტმა შეიძინა საველე პირობებში ამოცანების გუნდურად გადაწყვეტის ფასდაუდებელი გამოცდილება.