არქიტექტურის საბაკალავრო პროგრამის მე-2 კურსის სტუდენტების ნამუშევარი

სოლოლაკის ერთ-ერთი უბნის მაკეტი - თავისუფალი უნივერსიტეტის არქიტექტურის საბაკალავრო პროგრამის მე-2 კურსის სტუდენტების ნამუშევარი. 

არქიტექტურული პროექტირების სტუდიის ფარგლებში სტუდენტებმა დააპროექტეს და შექმნეს 1.5x2.5 მ ზომის კონტექსტური მაკეტი. სამუშაო შესრულდა ლექტორების ირინა დიხამინჯიას, დიმიტრი ერისთავისა და ლადო შონიას ხელმძღვანელობით.

არქიტექტურის პროგრამაში მაკეტების შექმნა გამოიყენება როგორც პედაგოგიური მეთოდი არსებული ურბანული გარემოს დოკუმენტირებისა და ანალიზისთვის, ასევე პლატფორმად სტუდენტთა შემდგომი ინდივიდუალური პროექტებისთვის.

მაკეტი დამზადებულია ზეთით დამუშავებული ფანერისგან და მოიცავს ასათიანისა და დადიანის ქუჩების კვეთას, ასევე მიმდებარე ნარიყალას ფერდს.

ამ ნამუშევრით მე-2 კურსის სტუდენტებმა ცხადი დემონსტრირება მოახდინეს იმ მაღალი დონის უნარებისა, რომელიც ყალიბდება პროგრამით გათვალისწინებული კურსების ფარგლებში.