თამარ მურაჩაშვილი სწავლას აგრძელებს University College London (UCL)-ში

ბიზნესის სკოლის (ESM) საბაკალავრო პროგრამის კურსდამთავრებული თამარ მურაჩაშვილი სწავლას აგრძელებს დიდ ბრიტანეთში, University College London (UCL)-ში MSc Banking and Digital Finance-ის სამაგისტრო პროგრამაზე. მან Chevening-ის პროგრამის სტიპენდია მოიპოვა და სრული დაფინანსებით ისწავლის.

თამარი ამჟამად მონაცემთა უფროსი ანალიტიკოსია საერთაშორისო ტექნოლოგიურ კომპანიაში და განსაკუთრებით დაინტერესებულია იმით, თუ როგორ ცვლის თანამედროვე ტექნოლოგია საფინანსო სექტორს. სამაგისტრო პროგრამა კი კარგი შესაძლებლობაა უფრო ღრმად შეისწავლოს ხელოვნური ინტელექტის, დიდი მონაცემების და დეცენტრალიზებული ფინანსების გავლენა ინდუსტრიაზე.

თამარმა აგრეთვე გაიმარჯვა Swedish Institute-ის პროგრამის კონკურსში - SI Scholarship for Global Professionals და მოწვევა მიიღო KTH Royal Institute of Technology-ის სამაგისტრო პროგრამიდან, მაგრამ არჩევანი მაინც UCL-ის პროგრამაზე შეაჩერა, პროგრამის ძლიერი აკადემიური და ტექნიკური სტრუქტურის გათვალისწინებით.