PROGRAMS

არქიტექტურა - პორტფოლიოს ნამუშევრების განხილვა

24 აპრილს, 11:00 საათზე თავისუფალი უნივერსიტეტის არქიტექტურის პროგრამაზე ჩასაბარებელი შემოქმედებითი ტურისთვის პორტფოლიოს ტუტორიალი ჩატარდება კახა ბენდუქიძის კამპუსში.

პორტფოლიოს ტუტორიალზე ელექტრონული რეგისტრაცია.

დარეგისტრირებული მოსწავლეები დამატებით ინფორმაციას მიიღებენ ინდივიდუალურად. 

ვიზუალური ხელოვნება, კომუნიკაცია, დიზაინი - პორტფოლიოს ნამუშევრების განხილვა

24 აპრილს 11:00 საათზე თავისუფალი უნივერსიტეტის ვიზუალური ხელოვნების, კომუნიკაციისა და ინტერიერის დიზაინის პროგრამებზე ჩასაბარებელი შემოქმედებითი ტურისთვის პორტფოლიოს ტუტორიალი ჩატარდება კახა ბენდუქიძის კამპუსში.

პორტფოლიოს ტუტორიალზე ელექტრონული რეგისტრაცია.

დარეგისტრირებული მოსწავლეები დამატებით ინფორმაციას მიიღებენ ინდივიდუალურად.

გაცნობითი პროგრამა აბიტურიენტებისათვის

24 აპრილს 10:00 საათზე კახა ბენდუქიძის კამპუსში გაცნობითი პროგრამა ჩატარდება.

გაცნობითი პროგრამების ფარგლებში აბიტურიენტებს შესაძლებლობა აქვთ ესტუმრონ უნივერსიტეტს, გაეცნონ მათთვის საინტერესო პროგრამას, სასწავლო გარემოს, მიღების პირობებს, გაესაუბრონ მომავალ ლექტორებს, დაესწრონ სასურველ ლექციებს და მიიღონ ამომწურავი პასუხები მათთვის მნიშვნელოვან კითხვებზე.

გაცნობით პროგრამაზე რეგისტრაცია

სემინარი თემაზე: „შფოთვის მიკრობიოლოგიური მარკერები“

თავისუფალი უნივერსიტეტის მეხსიერებისა და შფოთვის კვლევის ლაბორატორიის ორგანიზებით, 6 აპრილს, 19:00 საათზე, კახა ბენდუქიძის კამპუსის ბიბლიოთეკის საკონფერენციო დარბაზში გაიმართება სემინარი თემაზე: „შფოთვის მიკრობიოლოგიური მარკერები“.  

ლექციას წაიკითხავს აგრარული უნივერსიტეტის პროფესორი ლადო ბარამიძე.  

სემინარი ეძღვნება ორგანიზმში მიმდინარე უჯრედულ და ქიმიურ პროცესებს, რომლებიც გავლენას ახდენენ შფოთვაზე. შეხვედრაზე განხილული იქნება ენდოგენური და ეგზოგენური ქიმიური პროცესები და ნეირონის მემბრანაზე მიმდინარე ელექტრული მოვლენები. ასევე ვისაუბრებთ ორგანიზმში ნეირომედიატორების სინთეზსა და მათ კავშირზე ფსიქო-ემოციურ მდგომარეობებთან.