ENG GEO

Search form

ადმინისტრაციული სამართლის კლინიკის საქმეების მოკლე აღწერა

სარჩელის მომზადება

კლინიკას მომართა კლიენტმა, რომელასც სურდა, რომ კლინიკას მოემზადებინა სარჩელი, რომელითც იგი სასამართლოში მოითხოვდა ადმინისტრაციულ სამართლებრივი აქტის ბათილობას.

კლიენტებმა მიიღეს შემდეგი წერილობითი კონსულრაცია:

• კლინიკამ კლიენტს მოუმზადა სარჩელი, რომლითაც მას შეუძლია მოითხოვოს იმ უკანონო ადმინისტარციულ სამართლებრივი აქტის გაბათილება, რომელსაც შედეგად მოჰყვა თანამდებობის პირის თანამდებობიდან გადაყენება.

უძრავი ქონების რეგისტრაცია

კლიენტს პრივატიზაციის ხელშეკრულების საფუძველზე შეძენილი ჰქონდა უძრავი ქონება, რომლის რეგისტრაციაც სურდა საჯარო რეესტრში. ამასთან ერთად პრივატიზაციის ხელშეკრულებაში მითითებული უძრავი ქონების ფართებსა და რეალურს შორის არსებობდა სხვაობა. კლიენტს აინტერესებდა უძრავი ქონების რეგისტრაციის პროცედურა.

კლიენტმა მიიღო შემდეგი კონსულტაცია:

• რა წესით მიმდინარეობს უძრავი ქონების რეგისტრაცია;
• რა ტიპის დოკუმენტაცია არის საჭირო რეგისტრირებისთვის;
• რეგისტრაციის ვადები და საფასური.

მიწის ნაკვეთის დაზუსტებული ფართობით რეგისტრაცია

კლინიკას მომართა კლიენტმა, რომელსაც სურდა მისსავე საკუთრებაში არსებული მიწის ნაკვეთის დაზუსტებული ფართობით რეგისტრაცია, თუმცა ვინაიდან სახეზე იყო ზედდება (გადაფარვა) იგი საკუთარ მიწის ნაკვეთს დაზუსტებული ფართობით ვერ არეგისტრირებდა.

კლიენტმა მიიღო შემდეგი წერილობითი კონსულრაცია:

• განცხადება საჯარო რეესტრში წარსადგენად, რათა კლიენტს დაერეგისტრირებინა მიწის ნაკვეთის ის ნაწილი, რომელზეც არ იყო გადაფარვა.
• ადმინისტრაციული საჩივარი, ვინაიდან კლიენტმა მიიღო უარი მის საკუთრებაში არსებული მიწის ნაკვეთის ნაწილის დაზუსტებული ფართობით რეგისტრაციაზე.

ადმინისტრაციული საჩივრის მომზადება ზემდგომ ორგანოში წარსადგენად

კლინიკას მიმართა კლიენტმა, რომელსაც სურდა ადმინისტრაციული საჩივრის მომზადება ზემდგომ ორგანოში წარსადგენად.
კლიენტმა მიიღო შემდეგი სახის მომსახურება:
- ადმინისტრაციული საჩივარი ზემდგომ ორგანოში წარსადგენად;
- ზეპირი კონსულტაცია შემდგომ ნაბიჯებთან დაკავშირებით.
- ადმინისტრაციული სარჩელის მომზადება

ადმინისტრაციული სარჩელის მომზადება

კლინიკას მომართა კლიენტმა, კერძოდ ადვოკატმა, რომელსაც სურდა თავისი კლიენტისთვის ადმინისტრაციული სარჩელის მომზადება, კერძოდ უძრავი ქონების გაერთიანებასთან დაკავშირებით საჯარო რეესტრის ეროვნული სააგენტოს გადაწყვეტილების გასაჩივრება.
კლიენტმა მიიღო შემდეგი წერილობითი კონსულტაცია:
• რატომ არ იყო სწორი საჯარო რეესტრის ეროვნული სააგენტოს გადაწყვეტილება;
• როგორი გადაწყვეტილება იქნებოდა სწორი;
• რა სახის სარჩელის შეტანა შეიძლებოდა სასამართლოში.

შესაგებლის დაწერა სარჩელისათვის

კლინიკას მომართა კლიენტმა, რომელსაც სურდა რომ გაგვეწია კონსულტაცია და დაგვეწერა შესაგებელი სარჩელზე, რომელიც აღძრული იყო ერთ-ერთი კომპანიის წინააღმდეგ.
კლიენტმა მიიღო შემდეგი წერილობითი კონსულტაცია:
• რა სახის მტკიცებულებები უნდა წარედგინა სასამართლოში, თავისი არგუმენტების სასარგებლოდ.
• როგორ უნდა ჩამოეყალიბებინა შესაგებელში საკუთარი პოზიცია. (მსჯელობა კანონიერი ნდობის პრინციპზე და ა.შ.)
• შესაგებელის წერილობითი ნიმუში.

უძრავი ქონების რეგისტრაცია

2010 წლის 30 მარტს შპს-სა (გამყიდველი) და ბანკს (მყიდველი) შორის დაიდო ნასყიდობის ხელშეკრულება, რომლის საფუძველზეც, გამყიდველს მყიდველისთვის უნდა გადაეცა საკუთრების უფლება ქ. თბილისში მდებარე 36 ბინაზე.
2011 წლის 8 აპრილს აღნიშნული შპს გახდა სხვა შპს–ს 40% წილის მფლობელი, რის სანაცვლოდაც მის კაპიტალში შეიტანა 2.563.682 ლარის ღირებულების ბინები, მათ შორის ბანკის საკუთრებაში გადასული ბინებიც. 2013 წლის 20 მაისს კლიენტმა მიმართა საჯარო რეესტრის ეროვნულ სააგენტოს განცხადებით, რომ ზემოთ ხსენებული ხელშეკრულების საფუძველზე დარეგისტრირებულიყო საკუთრების უფლება ბანკზე. საჯარო რეესტრის ეროვნულმა სააგენტომ აღნიშნული განცხადების დაკმაყოფილებაზე უარი განაცხადა იმ მიზეზით, რომ ორივე ბინა რეგისტრირებულია სხვა შპს–ს სახელზე, გამყიდველი კი სხვა არის.
კლიენტს სურს სს ბანკისთვის გადაცემული უძრავი ქონების მის სახელზევე რეგისტრაცია და აინტერესებს, თუ რა სამართლებრივი გზებით შეიძლება აღნიშნული პრობლემის მოგვარება სს „ბანკის" თანხმობის გარეშე.
კლიენტმა მიიღო შემდეგო წერილობითი კონსულტაცია:
• პრობლემასთან დაკავშირებული კანონმდებლობის ზოგადი ანალიზი
• ზემოთ აღნიშნული ბინების რეგისტრაციასთან დაკავშირებული პრობლემების ანალიზი
• რეკომენდირებული გეგმა, რომლის მიხედვითაც კლიენტმა უნდა სცადოს აღნიშნული ბინების სს „ბანკის" სახელზე რეგისტრაცია

სახელშეკრულებო ვალდებულების შეზღუდვის და თანასაკუთრების მართლზომიერება

კლინიკას მომართა კლიენტმა რამდენიმე შეკითხვით, რომელიც მოიცავდა მიწის ნაკვეთსა და მასზე განთავსებულ შენობა-ნაგებობზე თანსაკუთრების რეგისტრაციის სამართლებრივი საფუძვლების არსებობას და ამავე მიწის ნაკვეთზე სახელშეკრულებო შეზღუდვის ამოშლას სსიპ საჯარო რეესტრის ეროვნული სააგენტოს ამონაწერიდან.

კლიენტმა მიიღო შემდეგი წერილობითი კონსულტაცია:

- აღნიშნულ მიწის ნაკვეთზე და შენობა-ნაგებობებზე თანასაკუთრების წარმოშობის ანალიზი შესაბამისი არქივის მონაცემებზე დაყრდნობით,
- სახელშეკრულებო ვალდებულების ამოშლის სამართლებრივი გზები, რომელიც კლიენტს დაეხმარებოდა სსოპ საჯარო რეესტრთან ურთიერთობისას და შემდგომ სასამართლო დავისთვის.

ნებართვა რეკლამის განსათავსებლად

კლინიკას მომართა შპს „..."-ს დირექტორმა. მისი თქმით, კომპანია უძრავ და მოძრავ ნივთებზე გარე რეკლამის განთავსებით აპირებდა დაკავებას, თუმცა პრობლემაშეექმნა. კერძოდ, გერე რეკლამის განთავსებაზე ნებართვის მისაღებად შპს „..."-მ მიმართა ქ. თბილისის მერიას, თუმცა მერიამ იგი კერძო კომპანიასთან გადაამისამართა იმ მოტივით, რომ აღნიშნული კომპანია, როგორც ქ. თბილისის მერიის მიერ გამოცხადებული ტენდერის გამარჯვებული, ექსკლუაზიურად გასცემდა თბილისში გარე რეკლამის განთავსებაზე ნებართვას. კლიენტმა მიმართა მერიის მიერ დასახელებულ კომპანიას, თუმცა რეკლამის განთავსების საფასური მისთვის მიუღებელი აღმოჩნდა. კლინეტს კლინიკისგან აინტერესებდა, რამდენად მართებული იყო ქ. თბილისის მერიის და კერძო კომპანიის მიერ გაცემული პასუხი.
პრობლემის გადასაჭრელად კილნიკაში მუშაობა შემდეგ სამართლებრივ პრობლემებზე წარიმართა:
• იმ შემთხვევების გამოვლენა, როდესაც გარე რეკლამის განსათავსებლად საჭიროა ნებართვა;
• წარმოადგენდა თუ არა ის ნივთები, რომლებზეც კლიენტს გარე რეკლამის განთავსება სურდა, უძრავ ნივთებს;
• თუ დადგინდება, რომ ნებართვის აღება აუცილებელი იყო, მისი აღების პროცედურა;
• კერძო კომპანიის განცხადების მართებულობა.
კლიენტმა ყველა წარმოდგენილ საკითხზე დეტალური წერილობითი ანალიზი მიიღო.

უძრავი ქონება

ადმინისტრაციული სამართლის კლინიკას მიმართა კლიენტმა, რომელსაც 1995 წლიდან მინიჭებული ჰქონდა უფლება სახელმწიფო საკუთრებაში არსებულ არასასოფლო-სამეურნეო დანიშნულების მიწის ნაკვეთზე განეთავსებინა სავჭრო პავილიონი, ჯიხურები და დახურული ტიპის დახლები. იმავე წელს კლიენტმა არქიტექტურის სამსახურის ბრძანების საფუძველზე ააშენა შენობა, რომელსაც ის ეკონომიკური საქმიანობისთვის იყენებდა. 1998 წელს თბილისის სახელმწიფო ქონების მართვის სამმართველოსა და სხვა ერთ-ერთ კომპანიას შორის დაიდო იჯარა-გამოსყიდვის ფორმით პრივატიზების ხელშეკრულება, რომლის შედეგადაც კლინიკის კლიენტის ფაქტობრივ მფლობელობაში არსებული შენობა მის საკუთრებაში მოხვდა.
აღნიშნულ საქმეში პრობლემას წარმოადგენდა ის, რომ კლიენტს შეეზღუდა მისივე შენობა-ნაგებობით სარგებლობის უფლება, რაც თავის მხრივ მისთვის უშუალო და პირდაპირ ზიანს წარმოადგენდა, რადგან ვერ იყენებდა მას ეკონომიკური საქმიანობისთვის და ასევე არც შენობის დემონტაჟის უფლება გააჩნდა, რათა მოეხდინა მისი სხვაგვარი რეალიზაცია.
საქმის სირთულეს წარმოადგენდა ის, რომ გასული იყო, საქმეში არსებული დოკუმენტების გასაჩივრების ყოველგვარი ხანდაზმულობის ვადა.
კლიენტმა მიიღო შემდეგი წერილობითი კონსულტაცია:
მიემართა საქართველოს ეკონომიკური განვითარების სამინისტროსთვის განცხადებით, რათა მოეთხოვა თბილისის სახელმწიფო ქონების აღრიცხვისა და პროვატიზების სამმართველოს მიერ საკუთრების დამადასტურებელ მოწმობაში, რომელიც მიუთითებდა, რომ კლიენტის მიერ აშენებული შენობა სხვა კომპანიის საკუთრებაში შედიოდა, ხარვეზის გამოსწორება, რაც თავის მხრივ დაკავშირებული იყო საკადასტრო ინფორმაციასა და აზომვით ნახაზში ცვლილებების შეტანასთან.
იმ შემთხვევაში თუ კლიენტი დადგენილ ვადაში ვერ მიიღებდა დადებით პასუხს აღნიშნულ განცხადებასთან დაკავშირებით (როგორც ეს მოხდა), მას შეეძლო სასკ-ის 24-ე მუხლის საფუძველზე სარჩელით მიემართა სასამართლოსთვის ზემოაღნიშნული ხარვეზის გამოსწორების მოთხოვნით.

საქალაქო სასამართლოსთვის წარსადგენი სარჩელი

კლინიკას მომართა კლინტმა, რომელსაც პრობლემა ჰქონდა კუთვნილი ბინიდან სხვა პირების გამოსახლებასთან დაკავშირებით. კლიენტის მიერ მოწოდებულ იქნა ყველა რელევანტური დოკუმენტაცია.
კლიენტის მოთხოვნის შესაბამისად, მას წარედინა შემდეგი წერილობითი კონსულტაცია:
• საქალაქო სასამართლოს ადმინისტრაციული პალატისთვის წარსადგენი სარჩელი;

კველვა მშენებლობის ნებართვასთან დაკავშრებით

კლინიკას მომართა კლიენტმა, რომელსაც სურდა გაეგო მისი სახლის გვერდზე მშენებარე კორპუსთან დაკავშირებით შემდენი ინფორმაცია:
• რამდენად კანონიერად მოხდა ნებართვის გაცემა?
• რამდენად სწორედ მიენიჭა თუ არა მშენებელს 3.5 კოეფიციენტი, როდესაც კანონით 1.5 არის დაშვებული?
• აქვს თუ არა მას რაიმე სახის კომპენსაციის მოთხოვნის საფუძველი? კლინიკამ კლიენტს გადასცა წერილობითი კონსულტაცია, რომელიც მოიცავდა:
• კვლევას გაცემული მშენებლობის ნებართვის კანონიერების შესახებ
• კვლევას მინიჭებული კოეფიციენტების კანონიერების შესახებ
• ინსტრუქციას მშენებლობით გამოწვეული ზიანის ანაზღაურების მოთხოვნის შესახებ

იდეალური წილის განსაზღვრა

კლინიკას მიმართა კლიენტმა , რომელსაც სურდა სარჩელის დაწერა სასამართლოსთვის, რისი საშუალებითაც იგი მოითხოვდა იდეალური წილის განსაზღვრას, რომელიც იმ პერიოდისთვის სადაო საკითხს წარმოადგენდა.. ვინაიდან მიწა არ იყო საზიარო უფლების საგანი, კლიენტები ვერ ახორციელებდნენ იმ ქმედებებს, რომლებიც საშუალებას მისცემდა მათ, სრულფასოვნად ესარგებლათ მათს საკუთრებაში არსებული მიწით.
კლიენტმა მიიღო შემდეგი სახის მომსახურება:
• ზეპირი კონსულტაცია
• სარჩელის წერილობითი ფორმა სასამართლოსთვის.
• კონსულტაცია თუ რა სახის მტკიცებულებები უნდა წარედგინა სასამართლოში, თავისი არგუმენტების დასადასტურებლად.

უძრავი ქონების რეგისტრაცია

კლინიკას მიმარტა კლიენტმა, რომელის კლიენტის ბებია იყო სამედიცინო უნივერსიტეტის ამხანაგობის წევრი, აღნიშნული ამხანოგობის წევრებზე დარიგდა მიწები კვესეთში, რაშიც წევრებმა ფული გადაიხადეს. 1997 წელს ბებია გარდაიცვალა. დოკუმენტი სადაც წერია რომ მიწა არის ამ ოჯახის, დაკარგულია. კლიენტს სურდა მიეღო იურიდიული კონსულტაცია იმასთან დაკავშირებით, თუ რა შესაძლებლობები და უფლებები ჰქონდა ამ მიწაზე და რა გზით უნდა მიეღო მას ეს მიწა.
კლიენტმა მიიღო შემდეგი წერილობითი კონსულტაცია:
1. რა უფლებები გააჩნდა მას აღნიშნულ მიწაზე
2. როგორ იხსენბა სამკვიდრო არარეგისტრიებულ ქონებაზე ვადის გასვლის შემდეგ
3. რამდენად მომგებიანი იყო მისთვის მითითებული ქმედებების განხორციელება

მშენებლობის ნებართვის გაუქმება

სამართლის კლინიკას მომართა მოქალაქეთა ჯგუფმა, რომლებსაც კონსულტაცია სჭირდებოდათ გაცემული მშენებლობის ნებართვის გაუქმებასთან დაკავშირებით.
აღნიშნული საქმის ფარგლებში, კლინიკამ შეაფასა მშენებლობის ნებართვის კანონიერება და მოქალაქეთა ჯგუფს მოუმზადა სასამართლოში სათანადო სარჩელის პროექტი.
საქმის გამოკვლევის ეტაპზე კლინიკის მიერ განხორციელდა:
• საჯარო ინფორმაციის გამოთხოვა სათანადო ორგანოებიდან,
• რელევანტური ადმინისტრაციული კანონმდებლობის შეფასება,
• მოპოვებული ინფორმაციისა და კანონმდებლობის ანალიზის საფუძველზე მოქალაქეთა ჯგუფის ინტერესების შესაბამისი სამართლებრივი გზების დასახვა.

სარჩელი ადმინისტრაციულ დავაზე და სასამართლო წარმომადგენლობა

კლინიკას მიმართა კლიენტმა, რომელსაც სურდა ნასყიდობის ხელშეკრულების საფუძველზე შეძენილი უძრავი ქონების თავის საკუთრებაში აღრიცხვა საჯარო რეესტრის ეროვნულ სააგენტოში. კლიენტმა საჯარო რეესტრისგან მიიღო უარი იმ საფუძვლით, რომ მოთხოვნილ უძრავ ქონებაზე არსებობდა სხვა პირების მიერ რეგისტრირებული საკუთრება, ანუ არსებობდა გადაფარვა სარეგისტრაციოდ მოთხოვნილ მიწასა და სხვა პირების უძრავ ქონებებს შორის.
კლინიკის ფარგლებში სტუდენტებმა მოამზადეს სარჩელი საჯარო რეესტრის წინააღმდეგ. ასევე, სტუდენტები დაიცავენ კლიენტის ინტერესებს პირველი ინსტანციის სასამართლოში.

საჯარო რეესტრის ტექნიკური ინვენტარიზაციის ბიუროდან დოკუმენტების გამოთხოვა

კლიენტი თანასაკუთრების ფარგლებში ფლობდა უძრავ ქონებას და სურდა რეალური წილით თანასაკუთრებიდან გამოყოფა. მრავალი თანამესაკუთრიდან, მხოლოდ სამმა შეძლო რეალური წილით გამოყოფა. ჩვენმა კლიენტმა უარი მიიღო რეალური წილის გამოყოფაზე რეესტრიდან, რის შემდეგაც დახმარებისთვის კლინიკას მიმართა. ვინაიდან თანამესაკუთრეების რიცხვი დიდი იყო, ჩვენ მივიჩნიეთ, რომ კლიენტის პრობლემის მოსაგვარებლად პირველ რიგში, მას დასჭირდებოდა დეტალური ინფორმაცია თანასაკუთრებასთან დაკავშირებით. კერძოდ, საკუთრების უფლების დამადასტურებელი დოკუმენტი, საინვენტარიზაციო გეგმა და ცნობა-დახასიათება, არა მხოლოდ მის საკუთრებაში არსებული ქონების შესახებ, არამედ ყველა თანამესაკუთრის საკუთრებაში არსებული ქონების შესახებ შესახებ.
პირველ რიგში მოვიძიეთ დეტალური ინფორმაცია სხვა თანამესაკუთრეებზე, მათი საკუთრებების საკადასტრო კოდები და ზუსტი მისამარართები. შემდეგ, შევადგინეთ საკონსულტაციო წერილი, სადაც მივაწოდეთ კლიენტს ინფორმაციო თუ რა სახის დოკუმენტები უნდა გამოეთხოვა საჯარო რეესტრიდან. ასევე შევადგინეთ საჯარო რეესტრის სახელზე განცხადება, რომლის საფუძვლზეც კლიენტმა ჩვენთან ერთად გამოითხოვა ყველა საჭირო დოკუმენტაცია.

საკუთრების უფლების რეგისტრაცია საჯარო რეესტრში

კლიენტს შეექმნა პრობლემები საჯარო რეესტრში საკუთრების უფლების რეგისტრაციასთან დაკავშირებით და მიმართა კლინიკას აღნიშნულ საკითხთან დაკავშირებით სამართლებრივი დახმარების თხოვნით.
სტუდენტებმა გაანალიზეს საქმის ფაქტობრივი გარემოებები და გაუწიეს სამართლებრივი კონსულტაცია, რომლის შემდგომაც კლიენტის მითითებით სტუდენტებმა შეადგინეს ადმინისტრაციული საჩივარი და გადასცეს კლიენტს.

უძრავი ქონების გადაფორმება

კლიენტმა მიმართა კლინიკას, მას ბებია უტოვებდა უძრავ ქონებას ქალაქ გარეთ. ბებიას სურდა თავის სიცოცხლეში გადაეფორმებინა შვილისათვის აღნიშნული უძრავი ქონება. ამ მიზნის მისაღწევად, მას აინტერესებდა გადაფორმების საუკეთესო პროცედურა და მასთან დაკავშირებული საგადასახადო საკითხები.
სტუდენტებმა დაწერეს სამართლებრივი ანალიზი აღნიშნულ საკითხთან
დაკავშირებით და გადასცეს კლიენტს.

საქმისათვის აუცილებელი დოკუმენტციის მოპოვება

კლინიკას მიმართა პირმა , რომელსაც სურდა ბაბუამისზე გაფორმებული ბინის, რომელიც თავის დროზე სამამულო ომში დაიკარგა, საკუთარ სახელზე გადმოფორმება. წარსულში ამ საქმეზე მისი დედა მუშოაბდა , რომელიც გარდაიცვალა. კლიენტი არ ფლობდა არანაირ ინფორმაციას , აღნიშნულ საქმესთან დაკავშირებით და სთხოვა კლინიკას დახმარებოდა, რომ ინფორმაციისათვის თავი მოეყარა, სად შეიძლებოდა ამ ინფორმაციის მოპოვება და რა ხერხებით.
კლიენტმა მიიღო შემდეგი სახის მომსახურება:
- გაიცა საკონსულტაციო წერილი სადაც ეწერა თუ რა სახის დოკუმენტაცია იყო საჭირო საქმის უკეთ წარმართვისათვის
- დოკუმენტაციის გამოთხოვა უნდა მომხდარიყო, სასამართლოდან, საჯარო რეესტრიდან და ეროვნული არქივიდან
- რა ჯდებოდა თითოეული დოკუმენტაციის გამოთხოვა და რა ვადებში მოხერხდებოდა დოკუმენტაციის მოპოვება.

სარჩელის მომზადება

შპს ,,სი–ტი პარკმა" არასწორად მოახდინა კლიენტის კუთვნილი ავტომობილის ევაკუაცია, რის შედეგადაც კლიენტს მიადგა მატერიალური ზიანი. კლიენტმა მომართა კლინიკას და მოითხოვა შპს ,,სი–ტი პარკის" წინააღმდეგ სარჩელის მომზადება.
კლიენტის თხოვნის შესაბამისად კლინიკამ მოამზადა სარჩელი შპს ,,სი–ტი პარკის" წინააღმდეგ სასამართლოში წარსადაგენად.

მშენებლობის ნებართვა

თვითმმართველი ქალაქი რუსთავის ქონების სააუქციონო მუდმივმოქმედი კომისიის პირობებით გამოცხადებულ აუქციონში გაიმარჯვა კლიენტმა და საკუთრებაში გადაეცა არასასოფლო-სამეურნეო დანიშნულების მიწის ნაკვეთი მასზე მშენებლობის ვალდებულებით . კლიენტმა განცხადებით მიმართა ქ. რუსთავის მერიის ურბანული დაგეგმარებისა და ტრანსპორტის განვითარების სამსახურს მშენებლობის ნებართვის პირველი ეტაპით გაცემის თხოვნით , რაზეც უარი მიიღო .
კლიენტის თხოვნის შესაბამისად მას წარედგინა წერილობითი კონსულტაცია შემდეგ საკითხებზე :
ა) ადმინისტრაციული აქტის გასაჩივრების წესის შესახებ
ბ) სასამართლოს გზით მშენებლობის ნებართვის მოპოვების შესახებ
გ) მტკიცების ტვირთის შესახებ
დ) ზიანის ანაზღაურების შესახებ

ცივი იარაღის ტარება

ადმინისტრაციული სამართლის კლინიკას მომართა კლიენტმა, რომელიც დააჯარიმეს ცივი იარაღის ტარებისათვის. კლიენტმა წარმოგვიდგინა ადმინისტრაციული სამართალდარღვევის ოქმი და იმ იარაღის ფოტოსურათი, რომლის ტარებისთვისაც დააჯარიმეს.
კლიენტისათვის მომზადებულ სამართლებრივ დასკვნაში ჩვენ განვიხილეთ, სწორად შედგა თუ არა ადმინისტრაციული სამართალდარღვევის ოქმი, საქართველოს კანონმდებლობის მიხედვით კლიენტის იარაღი კვალიფიცირდებოდა თუ არა ცივ იარაღად, არსებობდა თუ არა განსხვავება იარაღის თან ქონასა და ავტომობილით ტარებას შორის, შესაძლებელი იყო თუ არა ადმინისტრაციული აქტის გასაჩივრება და შეაჩერებდა თუ არა გასაჩივრება ადმინისტრაციული აქტის მოქმედებას.

რეზიდენტობის დადგენა

2014 წლის მარტში დახმარებისათვის მოგვმართა ირანის მოქალაქე. ქალბატონმა გვთხოვა იურიდიული კონსულტაცია გაგვეწია მისთვის საქართველოს მუდმივი რეზიდენტის სტატუსის მოპოვებისათვის საჭირო ინფორმაციისა და პროცედურების შესახებ, და აგვეხსნა მისთვის აკმაყოფილებდა თუ არა საქართველოს კანონმდებლობით რეზიდენტობის დადგენისათვის მოთხოვნილ კრიტერიუმებს.
პირველადი სატელეფონო გასაუბრების შემდეგ შედგა საკონსულტაციო ჯგუფი. ჩვენ დავიწყეთ შესაბამისი კანონმდებლობის კვლევა და კლიენტს ერთი კვირის თავზე მივაწოდეთ სამართლებრივი ანალიზი ინგლისურ ენაზე. აღმოჩნდა, რომ კლიენტს სხვა კითხვებიც ჰქონდა აღნიშნულთან მიმართებით და დამატებით გვთხოვა გამოგვეკვლია საქართველოში ვიზის მოპოვების საკითხი. კლიენტს დამატებით მიეწოდა ახსნა-განმარტებები. დღეის მდგომარეობით, კლიენტი ცდილობს შეასრულოს კლინიკის მიერ გაცემულ საკონსულტაციო წერილში მითითებული რჩევები. მან უკვე გახსნა საბანკო ანგარიში და აპირებს შეიძინოს უძრავი ქონება.

აღსრულებასთან დაკავშირებული საქმე

საქართველოს მოქალაქემ მომართა ადმინისტრაციული სამართლის კლინიკას და ითხოვა სასამართლოს მიერ 2014 წელს მის სასარგებლოდ მიღებული გადაწყვეტილების აღსრულებასთან დაკავშირებულ საკითებში დახმარება. ჩვენთან მომართვის პერიოდისათვის კლიენტს უკვე დაწყებული ჰქონდა სააღსრულებო წარმოება საჯარო აღმასრულებლის მეშვეობით. თუმცა, იმის გამო, რომ მოვალეს ქონება არ აღმოაჩნდა აღსრულება გადაიდო. კლიენტი გამოთქვამდა ვარაუდს, რომ მოვალეს სინამდვილეში ჰქონდა საკუთრება.
კლიენტის ინტერესებიდან გამომდინარე განვიხილეთ ყველა შესაძლო სამართლებრივი გზა, მათ შორის კერძო აღმასრულებლისათვის მიმართვის შესაძლებლობაც. თუმცა კანონმდებლობის მოთხოვნებიდან გამომდინარე ავუხსენით კლიენტს, რომ ყველა პროცესი სწორად იყო დაწყებული და სხვა ალტერნატიული შესაზლებლობა არ არსებობდა.

თანასაკუთრებში არსებული მიწის ნაკვეთი და მასზე მდებარე შენობის ფართის დარეგისტრირება

კლინიკას მომართა კლიენტმა, რომლის მშობელს სამ პირთან ერთად ჰქონდა თანასაკუთრებაში მიწის ნაკვეთი. აღნიშნულ მიწის ნაკვეთზე იყო უძრავი ქონება და კლიენტს სურდა მისი დარეგისტრირება. ამ სამი თანამესაკუთრიდან ერთ–ერთი საქართველოში არ ცხოვრობდა და საერთოდ ვერ ხერხდებოდა მასთან დაკავშირება. კლიენტის ინტერესი იყო, ამ თანამესაკუთრის თანხმობის გარეშე, არსებული დოკუმენტაციის საფუძველზე დაედგინა საკუთარი წილი და შენობაზე საკუთრების საკითხი.
კლინიკამ კლიენტს გაუწია იურიდიული კონსულტაცია და შეუდგინა საკონსულტაციო წერილი,რომელშიც მოცემული იყო სამართლებრივი ანალიზი იმ ღონისძიებების შესახებ, რაც უნდა განეხორციელებინა კლიენტს შენობა-ნაგებობების ფართის რეგისტრაციისთვის.

უძრავი ქონების რეგისტრაცია

თავისუფალი უნივერსიტეტის ადმინისტრაციული სამართლის კლინიკას მიმართა ფიზიკურმა პირმა, რომელიც, თავის მხრივ, იყო არასასოფლო-სამეურნეო დანიშნულების მიწის ნაკვეთის მართლზომიერი მფლობელის წარმომადგენელი. სტუდენტებმა, თხოვნის შესაბამისად, კლიენტს გაუწიეს წერილობითი იურიდიული კოსულტაცია და განუსაზღვრეს
აღნიშნულ მიწის ნაკვეთზე საკუთრების უფლების აღიარებისათვის საჭირო დოკუმენტაციის ნუსხა საჯარო რეესტრის ეროვნულ საააგენტოში წარსადგენად.

უძრავი ქონების რეგისტრაცია

თავისუფალი უნივერსიტეტის ადმინისტრაციული სამართლის კლინიკას მიმართა ფიზიკურმა პირმა, რომელიც, თავის მხრივ, იყო არასასოფლო-სამეურნეო დანიშნულების მიწის ნაკვეთის მართლზომიერი მფლობელის წარმომადგენელი.
სტუდენტებმა, თხოვნის შესაბამისად, კლიენტს გაუწიეს წერილობითი იურიდიული კოსულტაცია და განუსაზღვრესაღნიშნულ მიწის ნაკვეთზე საკუთრების უფლების აღიარებისათვის საჭირო დოკუმენტაციის ნუსხა საჯარო რეესტრის ეროვნულ საააგენტოში წარსადგენად.

საერთო საკუთრებაში არსებულ ფარის კერძო საკუთრებად რეგისტრირება

ადმინისტრაციული კლინიკას მომართა რამდენიმე პირმა, რომლებსაც სურდათ მათ საერთო საკუთრებაში არსებულ ფართთან მდებარე მცირე ოთახის მათ სახელზე რეგისტრაცია, რადგან ამ ოთახს წლების განმავლობაში ისინი იყენებდნენ და უვლიდნენ. კლიენტის კითხვას წარმოდგენდა იყო თუ არა შესაძლებელი აღნიშნული ფართის რეგისტრაცია თანამესაკუთრეებზე და თუ შესაძლებელი იყო რა პროცედურებით.
კლიენტის მოთხოვნის შესაბამისად, კლინიკაში სტუდენტთა მიერ მომზადდა საკონსულტაციო წერილი, რომელშიც საუბარი იყო თუ რა სამართლებრივი სტატუსი გააჩნდა დასარეგისტრირებულ ფართს და რა გზებით შეიძლებოდა აღნიშნული ფართის კლიენტთა საკუთრებაში გადასვლა.

უძრავი ქონების რეგისგრაციაში შესწორების შეტანა

კლინიკას მომართა პირმა, რომელიც ერთ-ერთ რაიონში ფლობდა მიწის ნაკვეთს, თუმცა, აღნიშნული მიწის ნაკვეთის მესაკუთრედ, საკუთრების დამადასტურებელ დოკუმენტში მითითებული იყო კლიენტის პასპორტისაგან განსხვავებული სახელი, რომლითაც მას ახლობლები იცნობდნენ.
კლიენტმა ითხოვა კონსულტაცია თუ როგორ შეიძლებოდა ამ პრობლემის მოგვარება და დოკუმენტში არსებული შეცდომის გამოსწორება. კლიენტის მოთხოვნის შესაბამისად გაიცა საკონსულტაციო წერილი, რომლითაც კლიენტს ეცნობა თუ რა გზით უნდა დაედგინა ფაქტი, რომ დოკუმენტში აღნიშნული პიროვნება იყო თავად და იგი ფლობდა დოკუმენტში მითითებულ მიწის ნაკვეთს, ამის შემდგომ კი როგორ უნდა მოეხდინა შეცდმის გამოსწორება სარეგისტრაციო დოკუმენტში.

ადმინისტრაციული სარჩელის შედგენა

კლიენტის პრობლემა დაკავშირებული იყო ადმინისტრაციული სარჩელის ფორმალურ გამართულობასთან. კერძოდ, მოსამართლე წარმოებაში არ ღებულობდა სარჩელს და მიზეზს უთითებდა, რომ სარჩელის იმდენი ასლი უნდა ყოფილიყო წამოდგენილი, რამდენი მოპასუხეც იყო. კლიენტი თავის ადმინისტრაციული სარჩელით ითხოვდა საჯარო რეესტრის მიღებული გადაწყვეტილების ბათილად ცნობასა და ახალი აქტის გამოცემას. სასამართლომ მიიჩნია, რომ რადგანაც თბილისის სარეგისტრაციო სამსახურის მიღებული გადაწყვეტილებას ეხებოდა საქმე, რომელიც საჯარო რეესტრმა შემდეგ ძალაში დატოვა, მოპასუხე ამ საქმეში იყო ორი და შესაბამისად სასამართლოსთვის გაგზავნილი უნდა ყოფილიყო სამი ასლი.

სასამართლო გადაწყვეტილების აღსრულებასთან ადკავშრებული კვლევა

კლიენტმა ვალის დაუბრუნებლობის გამო მიმართა სასამართლოს. სასამართლომ დაავალდებულა მევალე გადაეხადა აღნიშნული თანხა, რაც არ შესრულდა. ამის შედეგად კლიენტმა მოითხოვა სასამართლო გადაწყვეტილების აღსრულება. მევალის საკუთრებაში არსებული ბინა გატანილ იქნა აუქციონზე, რის შედეგადაც ბინა გადავიდა კლიენტის საკუთრებაში. შემდეგ საოლქო სასამართლოს მიერ აუქციონის შედეგები ბათილად იქნა ცნობილი და სასამართლოს სააღსრულენო ფურცლის მეშეობით, რომლითაც გაუქმდა აუქციონის შედეგები, კლიენტის მევალემ საჯარო რეესტრში გადაიფორმა აღნიშნული ბინა.
კლიენტმა მიმართა კლინიკას შემდეგ საკითხებზე რჩევის მისაღებად:
1. რატომ გაუქმდა აუქციონის შედეგები, რომლის საფუძველზეც დარეგისტრირდა კლიენტის საკუთრების უფლება.
2. რატომ აცხადებს უარს საჯარო რეესტრის ეროვნული სააგენტო მისი საკუთრების უფლების რეგისტრაციაზე?
3. რა საშუალებით შეიძლება სავარაუდოდ მიყენებული ზიანის ანაზღაურება?

„სი-თი პარკის" ჯარიმა

ადმინისტრაციული სამართლის კლინიკას მომართა ფიზიკურმა პირმა იურიდიული კონსულტაციის მისაღებად . ის დააჯარიმა შპს „სითი პარკმა" . ჯარიმას დაერიცხა საურავები და საბოლოოდ ერთ-ერთ მათგანზე დაიწყო სააღსრულებო წარმოება.
კლიენტს ჯარიმის ქვითრები თავად არ ჰქონდა ნანახი და მათი არსებობის შესახებ მხოლოდ სააღსრულებო ფურცლიდან მიიღო ინფორმაცია. შესაბამისად მას აინტერესებდა თუ რა წესის მიხედვით დაიწყო ჯარიმის ვადის ათვლა და რატომ ჩათვალა სითი პარკმა ისინი ჩაბარებულად.
კლიენტმა მიიღო წერილობითი კონსულტაცია შემდეგ საკითხებზე:
• ჯარიმის გადახდის წესი და ვადები
• საჯარიმო ქვითრის ჩაბარების წესი
• ადმინისტრაციული სახდელის ხანდაზმულობის ვადა და მისი გადაუხდელობის შედეგები
მას შემდგომ რაც კლიენტმა მიიღო კონსულტაცია სამართლებრივ არგუმენტაციასთან მიმართებით , საბოლოოდ მიიღო გადაწყვეტილება, რომ არ დაეწყო საქმის წარმოება სასამართლოში.