ელენე გოგიბერიძე სწავლას აგრძელებს საფრანგეთში, Sup De Luxe უნივერსიტეტში

თავისუფალი უნივერსიტეტის ბიზნესის ადმინისტრირების საბაკალავრო პროგრამის კურსდამთავრებული ელენე გოგიბერიძე სწავლას აგრძელებს საფრანგეთში, Sup De Luxe უნივერსიტეტის Global Luxury Brand Management სამაგისტრო პროგრამაზე.

ელენემ მოწვევა მიიღო ასევე New York University-ისა და SKEMA Business School-ის ერთობლივ პროგრამაზე, თუმცა საბოლოოდ არჩევანი Sup de Luxe-ზე შეაჩერა.

ელენეს აპლიკაციისა და აკადემიური მოსწრების გათვალისწინებით, უნივერსიტეტმა გამოყო მისთვის შიდა საუნივერსიტეტო დაფინანსება. მან აგრეთვე მოიპოვა საფრანგეთის მთავრობის სტიპენდია და განათლების საერთაშორისო ცენტრის გრანტი, რომლითაც სრულად დაფარავს სწავლის საფასურსა და ცხოვრების ხარჯებს.