ENG GEO

Search form

სიახლეები

კახა ბენდუქიძის საუნივერსიტეტო კამპუსში გაიხსნა იაპონური ენის ახალი აუდიტორია. აუდიტორია აღჭურვილია უახლესი სეტელეკმუნიკაციო სისტემით, ტელეპრეზენსით, რომელიც საშუალებას მისცემს იაპონური ენის შემსწავლელ სტუდენტებს დაესწრონ დისტანციურ ლექციებს და დისკუსიებს იაპონელი ლექტორების და მათი თანატოლი სტუდენტების მონაწილეობით. იაპონური ენის ახალი აუდიტორიის აღჭურვა მოხდა იაპონიის მთავრობის მიერ გამოყოფილი გრასრუთის საგრანტო დახმარებით, რომლის საშუალებითაც გარდა ტელეპერზენსის სისტემისა, ასევე უნივერსიტეტმა შეიძინა თანამედროვე ასლის გადამღები აპარატი, ვიდეო ტექნიკა და იაპონური ენის თანამედროვე სახელმძღვანელოები. გრანტი მთლიანობაში ემსახურება თბილისის თავისუფალი უნივერსიტეტის აზიისა და აფრიკის ინსტიტუტის (საერთაშორისო ურთიერთობების სკოლა) იაპონურ მიმართულებაზე იაპონური ენის და კულტურის სწავლების გაუმჯობესებას. იაპონური ენის აუდიტორიის გახსნის ცერემონიალს ესწრებოდნენ იაპონიის საგანგებო და სრულუფლებიანი ელჩი საქართველოში, ტადაჰარუ უეჰარა და სხვა საპატიო სტუმრები საელჩოდან.
თავისუფალი უნივერსიტეტის აზიისა და აფრიკის ინსტიტუტის (საერთაშორისო ურთიერთობების სკოლა) და მომავალ დიპლომატთა კლუბის პროექტის ”I’m the World” ფარგლებში კახა ბენდუქიძის საუნივერსიტეტო კამპუსში გაიმართა ლექცია - დისკუსია ”ტრანსპორტი - ქვეყნის ეკონომიკური განვითარების შესაძლებლობა” როგორ უნდა გახდეს საქართველო რეგიონალური სატრანსპორტო და ლოგისტიკური ჰაბი - სტრატეგიული მნიშვნელობა, სახელმწიფოებრივი პოლიტიკა და ეკონომიკური ასპექტები. საქართველოს სატრანსპორტო სისტემების განვითარების პერსპექტივები და ავიაცია, როგორც გამოწვევა და ახალი შესაძლებლობები. მომხსენებელი - HUB Georgia-ს დამფუძნებელი, ექსპერტი ავიაციის საკითხებში გიორგი კოდუა.
თავისუფალი უნივერსიტეტის არაბული ქვეყნებისა და ისლამური სამყაროს შემსწავლელი ცენტრის დირექტორმა, პროფ. გურამ ჩიქოვანმა მოხსენება წაიკითხა ვაშინგტონის უნივერსიტეტში (UW), სადაც 7-11 ოქტომბერს ჩატარდა საერთაშორისო კონფერენცია ცენტრალური აზიის, კავკასიისა და აღმოსავლეთ ევროპის საკითხებზე. მოხსენება ეხებოდა არაბული სამყაროს მიღმა არსებულ პერიფერიულ არაბულ ენასა და კულტურას, ცენტრალურ აზიაში ექსპედიციების შედეგებს. კონფერენციის ორგანიზატორი ვაშინგტონის უნივერსიტეტთან ერთად იყო აშშ–ს Central Eurasian Studies Society (CESS). კონფერენციაზე ცალკე სხდომა მიეძღვნა კავკასიას, რომელსაც თავმჯდომარეობდა გურამ ჩიქოვანი. მეცნიერმა, კონფერენციის ფარგლებში, მონაწილეობა მიიღო აგრეთვე არაბული სამყაროსადმი მიძღვნილ შეხვედრებსა და დისკუსიებში. გურამ ჩიქოვანი მიწვეულია მომავალ წელს პენსილვანიის პიცბურგის უნივერსიტეტში (University of Pittsburgh). ამჟამად მისი ვიზიტი აშშ–ში Travel Grant-ით უზრუნველყო აშშ–ს მხარემ. კონფერენციაში ასევე მონაწილეობდა აზიისა და აფრიკის ინსტიტუტის კურსდამთავრებული, დუბლინის უნივერსიტეტის მაგისტრანტი მაია მაჭავარიანი.
თბილისის თავისუფალი უნივერსიტეტის აზიისა და აფრიკის ინსტიტუტის იაპონური მიმართულების ორგანიზებით და საქართველოში იაპონიის საელჩოს მხარდაჭერით და ინიციატივით, კახა ბენდუქიძის საუნივერსიტეტო კამპუსის კულტურის ცენტრში გაიმართა მუსიკალური და საცეკვაო წარმოდგენა, ცნობილი იაპონელი შემსრულებლების ჯგუფის "ნიკო-იჩის" შესრულებით. წარმოდგენის მსვლელობისას დამსწრეები იხილეს მუსიკალურ შესრულება იაპონურ დასარტყამ ინსტრუმენტ "ვადაიკოზე" და "შამისენე" (იაპონური გიტარა), ასევე ცეკვა "შიშიმაის" (ლომის კოსტუმირებული ცეკვა). შესრულებული იყო ტრადიციული იაპონური მუსიკა და ცეკვა თანამედროვე ელემენტების სინთეზით.
საბუნებისმეტყველო მეცნიერებები ქიმიის მიმართულების დოქტორანტმა თემურ ქანთარიამ დოქტორანტების საგანმანათლებლო პროგრამების გრანტებით დაფინანსების კონკურსში გაიმარჯვა. თემურმა წარადგინა 12-თვიანი პროგრამა: ბიოდეგრადირებადი ნანონაწილაკების მიღება ამინომჟავრური პოლიესტერამიდების საფუძველზე, მათი მოდიფიცირება და in vitro ბიოშეთავსებადობის შესწავლა. პროექტი წარმოადგენს თემურნ ქანთარიას დისერტაციის ნაწილს, სადაც დაგეგმილია წამლის გადამტანი ნანომასშტაბური კონტეინერების მიღება ბიოდეგრადირებადი (ორგანიზმში დაშლადი) ამინომჟავური პოლიმერების საფუძველზე. პროექტის ძირითადი მიზანია ბიოდეგრადირებადი პოლიმერების საფუძველზე სრულიად ახალი, ბიოდეგრა­დირებადი, ბიოშეთავსებადი, მაღალი ბიოგანვლადობის და იმუნური სისტემის მიმართ მდგრადი ნანონაწილაკების მიღება. პროექტი ითვალისწინებს მიღებული ნანონაწილაკების ზედაპირის მოდიფიცირებას - პოლიეთილენგლიკოლით დაფარვას და ასევე ნაწილაკებისთვის დადებითი მუხტის მინიჭებას, რაც გაზრდის ამ "ნანოკონტეინერების" ბიოშეთავსებადობას. პროექტის ფარგლებში დაგეგმილი კვლევის ბოლო ეტაპი მოიცავს მიღებული კატიონური პეგილირებული ნანონაწილაკების in vitro ბიოშეთავსებადობის შესწავლას სტაბილურ უჯრედულ ხაზებზე. სამკურნალო პრეპარატების ორგანიზმში ბიოდეგრა­დირე­ბადი ნანოკონ­ტე­ინერების საშუალებით შეყვანა ინოვაციური მეთოდია, რომლის დანერგვაც სამედიცინოპრაქტიკაში დიდი გარღვევა იქნება. მსგავსი კვლევები მნიშვნელოვანია როგორც წმინდა პრაქტიკული (სამედიცინო) თვალ­სა­ზ­რისით, ასევე ფუნდამენტური მეცნიერების განვი­თარებისთვისაც.
5 ოქტომბერს კახა ბენდუქიძის საუნივერსიტეტო კამპუსში თავისუფალი და აგრარული უნივერსიტეტების სტუდენტებისთვის ტრადიციული Welcome Party ჩატარდა. საღამოზე თავისუფალი და აგრარული უნივერსიტეტების რექტორმა ვატო ლეჟავამ ადგილობრივ ოლიმპიადაში მიღწეული წარმატებისთვის და საერთაშირისო ოლიმპიადაში მინაწილეობისთვის, პირველკურსელები - გიორგი ბუთბაია, ირაკლი შალიბაშვილი, ალექსანდრე ფიჩხაძე, ელენე კრავიშვილი და ლუკა ხიზანიშვილი სასწავლო გრანტებით დააჯილდოვა. ასევე, კახა ბენდუქიძის ცოდნის ფონდისგან ერთწლიანი სასწავლო გრანტი გადაეცა თავისუფალი უნივერსიტეტის 8-ვე პროგრამის ყველაზე მაღალქულიან პირველკურსელს: ბიზნესის სკოლა - ლუკა ზაქარაშვილი, გიორგი კვენეტაძე; აზიისა და აფრიკის ინსტიტუტი - ანი შუბითიძე; სამართლის სკოლა - ალექსანდრე ბოჭორიშვილი; MACS პრორგამირება - დაჩი კურცხალია; MACS ინჟინერია - მირიან მირიანაშვილი; ფიზიკის სკოლა - მარიამ არუსტაშვილი; მართვისა და საზოგადოებრივ მეცნიერებათა სკოლა - მარიამ შანშაშვილი; VADS - ელიზავეტა ბოკერია. კერძო კომპანიებმა კი აგრარული უნივერსიტეტის მაღალქულიან სტუდენტებს სრულად დაუფინანსეს პირველი კურსის სწავლის საფასური: ეფეს საქართველო - ლუდსახარში ნატახტარის რჩეული გახდა საინჟინრო-ტექნოლოგიური სკოლის სტუდენტი - ჯაბა მარგალიტაშვილი. აჭარა ჯგუფი, ქართული სასტუმროების ბრენდმა, Rooms Hotels-მა სწავლა დაუფინანსა აგრარულ და საბუნებისმეტყველო მეცნიერებათა სკოლის სტუდენტს - ანა ნარინდოშვილს. საათებისა და აქსესუარების მაღაზიათა ქსელმა თაიმსმა საჩუქრები გადასცა - ლუკა ზაქარაშვილს, გიორგი კვეტენაძეს, მარიამ შანშაშვილს და ნინო ბერიშვილს. TBC ბანკმა სასწავლო გრანტი გადასცა აგრარული უნივერსიტეტის ბიზნესის ადმინისტრირების სკოლის სტუდენტს - ნინო ბერიშვილს და თავისუფალი უნივერსიტეტის ბიზნეს ადმინისტრირების სკოლის სტუდენტს - ხატია ჭალიძეს. ასევე, Price Waterhouse Coopers-მა სწავლა დაუფინანსა აგრარული უნივერსიტეტი ბიზნესის ადმინისტრირების სტუდენტს - მერაბ მახათაძეს. Welcome 2017 წარმოადგინა პროექტმა ვიცი-მ ჯეოსელისგან. შესაბამისად, მაღალქულიანი სტუდენტები ჯეოსალმეაც დააჯილდოვა. ახალი მოდელის iPhone მიიღეს დაჩი კურცხალიამ და ანა ნარინდოშვილმა. უნივერსიტეტების კანცლერმა, ალექსანდრე კაჭარავამ და სტუდენტებთან ურთირთობის კოორდინატორმა, შაკო თავაძემ სამასხოვრო პრიზებით დაჯილდოვეს საველე პრაქტიკის ფოტოკონკურსში გამარჯვებული სტუდენტები: საველე საქმიანობის ამსახველი ფოტო - ანა ნეფარიძე; ფოტო თავისუფალ თემაზე - მარია ანტონიანი; ჟიურის სიმპათია - ნანა ეჯიბია. Welcome Party-ზე დაუკრეს: Bedford Falls, არა-მ და აჩო შენგელიამ (SHNGL). საღამო მიყავდათ სტუდენტებს, რატი პერტიას და ლაიმა წურწუმიას. უნივერსიტეტების ადმინისტრაცია მადლობას უხდის ბიზნეს სექტორის წარმომადგენლებს თანამშრომლობისთვის და სტუდეტების თანადაფინანსებისთვის. #welcome2017 #freeuni #agruni
თავისუფალი უნივერსიტეტის ბიზნესის სკოლის ფინანსების კონცენტრაციამ ACCA-ს აკრედიტაცია მიიღო. კურსდამთავრებულებს სამი წიგნი F1, F2, F3 ჩაბარებულად ჩაეთვლებათ, რაც იმას ნიშნავს, რომ სერტიფიცირების მსურველები სწავლას პირდაპირ მე-4 საფეხურიდან გააგრძელებენ. ამ გამოცდების მომზადების და ჩაბარების საფასური შეიძლება 2500 ლარს აღემატებოდეს, რისი გადახდაც თავისუფალი უნივერსიტეტის კურსდამთავრებულებს აღარ მოუწევთ. ACCA (Associate of Chartered Certified Accountants) წარმოადგენს ერთერთ ყველაზე ავტორიტეტულ ბრიტანულ ორგანიზაციას საბუღალტრო და ფინანსური განათლების სფეროში, რომლის სერტიფიკატს მსოფლიო მასშტაბით ბიზნესის სფეროს უმსხვილესი დამსაქმებლები ენდობიან.
თბილისის თავისუფალი უნივერსიტეტში ადამიანის უფლებების ეროვნული ინსტიტუტის საჯარო ლექციების სერიების ფარგლებში ჩატარდა ბატონი ბესარიონ ბოხაშვილის საჯარო ლექცია "ადამიანის უფლებათა ევროპული სასამართლოს მიერ საქართველოს წინააღმდეგ გამოტანილი უმნიშვნელოვანესი გადაწყვეტილებების ანალიზი, პრობლემები და გამოწვევები". ბესარიონ ბოხაშვილი არის გაეროს ადამიანის უფლებათა უმაღლესი კომისრის ოფისის ეროვნული ოფიცერი საქართველოსთვის, თბილისის თავისუფალი უნივერსიტეტის მოწვეული ლექტორი და ადამიანის უფლებების ექსპერტი.
კახა ბენდუქიძის საუნივერსიტეტო კამპუსში გაიმართა ორგანიზაცია - DAAD(გერმანიის აკადემიური გაცვლის სამსახური)-ის საინფორმაციო შეხვედრა თავისუფალი და აგრარული უნივერსიტეტების სტუდენტებისა და პროფესორ-მასწავლებლებისთვის. საინფორმაციო ცენტრის ხელმძღვანელი, გებჰარდ როილი შეხვდა თავისუფალი და აგრარული უნივერსიეტეტბის რექტორს, ვახტანგ ლეჟავას, სადაც განიხილეს სამომავლო თანამშრომლობის პერსპექტივები. DAAD-ის წარმოამდგენელმა კი გამართა პრეზენტაცია სტუდენტებთან, სადაც ისაუბრა ორგანიზაციის მისიის, სასწავლო პროგრამებისა და სტიპენდიების შესახებ და უპასუხა სტუდენტების მიერ დასმულ კითხვებს.
თავისუფალი უნივერსიტეტის ბიზნეს სკოლის კურსდამთავრებული თეკლა ონიანი სწავლას ბოლონიის უნივერსიტეტში (Alma Mater Sadiorum, ბოლონია, იტალია) გააგრძელებს. ბოლონიის უნივერსიტეტს, ევროპის უმაღლესი განათლების სისტემაში მოწინავე პოზიცია აქვს და მსოფლიოს ერთ-ერთი უძველესი სასწავლებელია, სადაც ყველასათვის კარგად ნაცნობი "ღვთაებრივი კომედიის" ავტორი - დანტე ალიგიერი მოღვაწეობდა ^_^ თეკლამ სწავლის დაფინანსება და სტიპენდია Erasmus+, ევროკავშირის საგრანტო პროგრამით მოიპოვა.

გვერდები