მათემატიკისა და კომპიუტერული მეცნიერებების სკოლის სტუდენტი ბექა მოდებაძე 25 სექტმბერს ერთი წლით იაპონიაში გაემგზავრება.
ბექას მაინორად იაპონური ენის მიმართულება აქვს არჩეული და შესაბამისად, სწავლას იაპონიის ცუკუბას უნივერსიტეტში გააგრძელებს
თავისუფალმა უნივერსიტეტმა და ცუკუბას უნივერსიტეტმა დაახლოებით ერთი წლის წინ ურთიერთთანამშრომლობის შეთანხმება გააფორმეს.
სიახლეები
თავისუფალი უნივერსიტეტის აზიისა და აფრიკის ინსტიტუტის (საერთაშორისო ურთიერთობების სკოლა) იაპონური მიმართულების მესამე კურსის სტუდენტი ლელა თოფურია ერთწლიანი სასწავლო პროგრამით გაემგზავრება იაპონიის ცუკუბას უნივერსიტეტში სასწავლებლად.
ლელა იაპონიაში თავისუფალსა და ცუკუბას უნივერსიტეტებს შორის გააფორმებული ურთიერთთანამშრომლობის შეთანხმების ფარგლებში გაემგზავრება.
თავისუფალი უნივერსიტეტის აზიისა და აფრიკის ინსტიტუტის ჩინური მიმართულების 2017 წლის კურსდამთავრებულმა, გვანცა არაბულმა, კონკურსის შედეგად დაიწყო მუშაობა საქართველოში ჩინეთის სახალხო რესპუბლიკის საელჩოს საკონსულო განყოფილებაში.
გვანცამ ჩინური ენის შესწავლა დაიწყო თავისუფალ უნივერსიტეტში, კარგ აკადემიურ მოსწრებასთან ერთად, ის ყოველ წელს გადიოდა HSK-ის ჩინური ენის საერთაშორისო გამოცდაზე და უკვე C1 დონის გამოცდაც ჩააბარა. მესამე კურსის შემდეგ მან ჩინეთის მთავრობის სტიპენდია მოიპოვა და გაიარა ერთწლიანი სტაჟირება ჩინეთში, ნანკინის პედაგოგიურ უნივერსიტეტში.
ბოლო რამდენიმე წლის განმავლობაში ჩინური ენის მიმართულების მეოთხე კურსის სტუდენტების და კურსდამთავრებულების უმრავლესობა წარმატებულად საქმდება კერძო და სახელმწიფო სტრუქტურებში (საქართველოში ჩინეთის და ჩინეთში საქართველოს საელჩოებში, წამყვან უნივერსიტეტებში, საერთაშორისო ორგანიზაციებში და სხვა), რაც კიდევ ერთხელ მეტყველებს ჩინური მიმართულების ხარისხიან სწავლებაზე თავისუფალ უნივერსიტეტში და ჩინური ენის სწავლის პერსპექტივაზე.
თავისუფალი უნივერსიტეტის აზიისა და აფრიკის ინსტიტუტის (საერთაშორისო ურთიერთობების სკოლა) ჩინური მიმართულების მეოთხე კურსის სტუდენტი მარიამ კვირკვია გაივლის ერთწლიან სტაჟირებას ჩინეთში პროგრამით "UNESCO/People's Republic of China (The Great Wall) Co-Sponsored Fellowships Programme 2017-2018".
ეს არის იუნესკოსა და ჩინეთის სახალხო რესპუბლიკის ერთობლივი პროექტი სახელწოდებით "The Great Wall", რომელშიც მარიამმა მოიპოვა სწავლის, ცხოვრებისა და მგზავრობის სრული დაფინანსება. ასევე ყოველთვიური სტიპენდია, როგორც ჩინეთის სახალხო რესპუბლიკის, ისე იუნესკოს მიერ.
საქართველოდან ამ პროექტში პირველად აირჩა კანდიდატი და კონკურსში 135 ქვეყანა მონაწილეობდა.
თავისუფალი უნივერსიტეტის კონფუცის ინსტიტუტის ორგანიზებით, 14 სტუდენტი, როგორც თავისუფალი უნივერსიტეტის საერთაშორისო ურთიერთობების სკოლიდან (აზიისა და აფრიკის ისნტიტუტი), ისე ბიზნესის ადმინისტრირების სკოლის სტუდენტები, რომელთაც ჩინური მიმართულება აქვთ, როგორც მაინორი, ჩინეთში კონფუცის ინსტიტუტის ერთწლიან სტაჟირებას გაივლიან.
ჩინეთში გაემგზავრებიან: მარიამ რაჭველიშვილი, ვასკა გულაშვილი, გიორგი ჯაფარიძე, ანა ცქიფურიშვილი, სალომე ქირია, მარიამ მახათაძე, ვახო მინაძე, თათული ჯანჯღავა, ირაკლი გვენცაძე, დაჩი ჯახუა, მარიამ ნადირაძე, მაკუნა წიკლაური, სულხან მჭედლიშვილი და ანანო გვარამაძე.
თავისუფალი უნივერსიტეტის აზიისა და აფრიკის ინსტიტუტის (საერთაშორისო ურთიერთობების სკოლა) კურსდამთავრებული მარიამ ბიბილაშვილი სწავლას გააგრძელებს იაპონიის ცუკუბას უნივერსიტეტის ჰუმანიტარულ და სოციალურ მეცნიერებათა ფაკულტეტის ერთწლიან სამაგისტრო პროგრამაზე რეგიონის საერთაშორისო კვლევების მიმართულებით (MA in International Area Studies).
მარიამმა მოიპოვა იაპონიის სამთავრობო გრანტი, რაც გულისხმობს იაპონიაში სწავლისა და ცხოვრების სრულად დაფინანსებას.
აღსანიშნავია, რომ პროგრამა ასევე ითვალისწინებს მაგისტრატურის დასრულებისთანავე დოქტორანტურაში სწავლის გაგრძელების შესაძლებლობასაც სრული დაფინანსებით.
ყოველწლიურად იაპონიის მთავრობა გამოყოფს მხოლოდ ხუთ გრანტს ამ პროგრამაზე სწავლის მსურველი ახალგაზრდებისათვის ყოფილი საბჭოთა კავშირისა და ცენტრალური აზიის რეგიონიდან.
ფიზიკის სკოლის სტუდენტები სტუდენტთა საერთაშორისო კონფერენციაზე გაემგზავრნენ.
ბექა თევდორაშვილი, ლიკა მელაძე, გიორგი წერეთელი და მიშო სოხაშვილი ცოდნის ფონდის დაფინანსებით იტალიის ქალაქ ტურინში დღეს ჩავიდნენ.
სტუდენტებმა საერთაშორისო კონფერენციაზე მონაწილეობის უფლება თავისუფალი უნივერსიტეტის ფიზიკის სკოლის ორგანიზებით ჩატარებულ კახა ბენდუქიძის სახელობის მეოთხე სტუდენტურ კონფერენციაში გამარჯვების შედეგად მიიღეს.
კონფერენცია დღეს დაიწყება და 14 აგვისტოს დამთავრდება.
ფიზიკის სკოლის არსებობის მანძილზე, თავისუფალი უნივერსიტეტის სტუდენტები საერთაშორისო სტუდენტურ კონფერენციაში მუდამ მონაწილეობენ.
თავისუფალი უნივერსიტეტის ფიზიკის სკოლის სტუდენტმა აჩრილ საყევარაშვილმა ერთ-ერთი საუკეთესო და აქტუალური საბაკალავრო ნაშრომი წარმოადგინა. ნაშრომი ეხება წყლის ფილტრაციის მემბრანულ მეთოდებს და შესრულებულია აგრარული უნივერსიტეტის პროფესორების ზაზა მეტრეველის, კახა დიდებულიძისა და მიჩიგანის უნივერსიტეტის პროფესორის ვლადიმირ ტარაბარას ხელმძღვანელობით.
2014 წლიდან აგრარულ უნივერსიტეტში წყლის მიკრობიოლოგიის ლაბორატორიის ბაზაზე შეიქმნა წყლის მემბრანული მეთოდებით დასუფთავების ლაბორატორია. კვლევებში ჩართული არიან თავისუფალი უნივერსიტეტის ფიზიკის სკოლის ოთხი და აგრარული უნივერსიტეტის სამი სტუდენტი.
სტუდენტების მიერ ჩატარებული ექსპერიმენტებისა და მათ მიერვე ჩატარებული მონაცემთა ანალიზის საფუძველზე მომზადდა 2 საკონფერენციო პრეზენტაცია.
ექსპერიმენტები მიმდინარეობს ამჟამადაც და იგეგმება სამეცნიერო სტატიის გამოქვეყნება საერთაშორისო ჟურნალში. ამ საქმიანობაში არჩილ საყევარაშვილის წვლილი ძალიან დიდია.
არჩილი პირველი კურსიდან ჩაერთო კვლევით საქმიანობაში და თავისი კვლევის შედეგები ცოდნის ფონდის ფინანსური მხარდაჭერით 2015 წლის ფიზიკის სტუდენტურ საერთაშორისო კონფერენციაზე წარადგინა, რომელიც ზაგრებში ჩატარდა.
თავისუფალი და აგრარული უნივერსიტეტის ადმინისტრაცია მიესალმება თავისუფალი და აგრარული უნივერსიტეტის სტუდენტების მონაწილეობას ერთობლივ სამეცნიერო პროექტებში.
თავისუფალი უნივერიტეტის აზიისა და აფრიკის ინსტიტუტის (საერთაშორისო ურთიერთობების სკოლა) იაპონური მიმართულების მესამე კურსის სტუდენტი შოთა მანაგაძე იაპონიის საელჩოს მიერ ორგანიზებული გამოცდის წარმატებით ჩაბარების შედეგად, ერთი წლით გაემგზავრება იაპონიის ქალაქ კიოტოში მდებარე დოშიშას უნივერსიტეტში სასწავლებლად.
შოთას სწავლას სრულად დააფინანსებს იაპონური მხარე.