ENG GEO

Search form

სიახლეები

კახა ბენდუქიძის კვირეულის ფარგლებში, კამპუსში, გაიმართა ცენტრალური ევროპის უნივერსიტეტის პროფესორის, ევროკავშირის ყოფილი სპეციალური წარმომადგენელის მოლდოვაში, უნგრეთის ექსპორტ-იმპორტის ბანკის ყოფილი თავმჯდომარის, კალმან მიზეის საჯარო დისკუსია "კახა ბენდუქიძის რეფორმები ​და პოსტ-საბჭოთა სივრცე, უკრაინისა და მოლდოვას მაგალითები."
კახა ბენდუქიძის კვირეულის ფარგლებში, 19 აპრილს, გაიმართა თავისუფალი უნივერსიტეტის გამორჩეული პროფესორის, ლუნდის უნივერსიტეტის ღეროვანი უჯრედების ცენტრის დირექტორის, ზაალ კოკაიას საჯარო ლექცია: "როგორ დავწეროთ კვლევითი გრანტის წარმატებული აპლიკაცია."
კახა ბენდუქიძის კვირეულის ფარგლებში, 19 აპრილს, გაიმართა ლონდონის კინგს კოლეჯის [King's College] მოწვეული ლექტორის, სიმონ სურგულაძის საჯარო ლექცია თემაზე - სოციალური ურთიერთობების ნეიროანატომია​.
კახა ბენდუქიძის კვირეული - კამპუსის დღეები 2017 -ის ფარგლებში, 18 აპრილს, აგრარული უნივერსიტეტის სტუდენტის, ანი ციციშვილის მიკრობებით შესრულებული ნახატების გამოფენა გაიმართა.
თავისუფალი უნივერსიტეტის აზიისა და აფრიკის ინსტიტუტის (საერთაშორისო ურთიერთობების სკოლა) გერმანული მიმართულების მესამე კურსის სტუდენტებმა მარიამ კოლბინმა, ილიკო დარასელიამ და ქეთი სხილაძემ მოიპოვეს DAAD-ის (გერმანიის აკადემიური გაცვლის სამსახური) სტიპენდია და აგვისტოში ისწავლიან ბერლინის თავისუფალი უნივერსიტეტი, ბერლინის საერთაშორისო უნივერსიტეტსა და დუსელდორფის ჰაინრიხ ჰაინეს უნივერსიტეტში. ვულოცავთ სტუდენტებს მიღწეულ წარმატებას!
დასრულდა კონკურსი ლავუაზიეს წრე, რომელიც განკუთვნილია ქიმიითა და ბიოლოგიით დაინტერესებული აბიტურიენტებისთვის. კონკურსი გაიმართა სამ ეტაპად , რომლის შედეგადაც გამოვლინდა 3 გამარჯვებული გუნდი. 1-ელ ადგილზე გავიდა გუნდი, შემდეგი შემადგენლობით: სალომე ღვინეფაძე, რევაზ ლობჟანიძე, დავით ქავთარაძე და მოიპოვეს 15 000 ლარიანი სასწავლო ვაუჩერი; მე-2 ადგილზე გასულ გუნდს, თომა რთველიაშვილს, ირაკლი შალიბაშვილს, მართა გულაშვილს, გადაეცა 9 000 ლარიანი სასწავლო ვაუჩერი; მე-3 ადგილოსან გუნდს, სერგი ბეთხოშვილს, ანა ნარინდოშვილს და სანდრო ჩხეიძეს - 4 500 ლარიანი სასწავლო ვაუჩერი.
თავისუფალი უნივერსიტეტის ფიზიკის სკოლის მეოთხე კურსის სტუდენტი მარიამ აბულაძე უკვე რამდენიმე წელია მუშაობს ერთერთი საინტერესო ატმოსფერული მოვლენის - ტორნადოს ფიზიკაზე. კერძოდ, მარიამმა სხვადასხვა ტიპის არამდგრადობების წარმოქმნის ეფექტურობა და რამდენიმე რეალური (მაგალითად “მტვერის ეშმაკის” სახელით ცნობილი ტორნადო) ანალიზურად შეისწავლა და რიცხობრივად გამოთვალა ჰიდროდინამიკური არამდგრადობების განვითარება. ეს ნაშრომი გაგზავნილია საერთაშორისო მაღალ იმპაქტ ფაქტორიან ჟურნალში (Physics Letters A). ამავე დროს შრომა გამოქვეყნდა საერთაშორისო სამეცნიერო სტატიების არქივში. მარიამმა წინასწარი კვლევის შედეგები ცოდნის ფონდის ფინანსური მხარდაჭერით 2016 წლის ფიზიკის სტუდენტურ საერთაშორისო კონფერენციაზე წარადგინა. კონფერენცია ჩატარდა მალტაზე. ამავე წელს SOLSPANET პროექტის ფარგლებში გაემგზავრა ლუვენის კათოლიკურ უნივერსიტეტში სადაც მსგავსი ტიპის ამოცანებზე მუშაობდა.
თავისუფალი უნივერსიტეტის ფიზიკის სკოლის მეორე კურსის სტუდენტმა გიორგი ბახტაძემ განახორციელა სამეცნიერო კვლევა მაღალი ენერგიების ასტროფიზიკის დარგში. კვლევაში შესწავლილია დამაგნიტებულ მბრუნავ მაგნიტოსფეროში დამუხტული ნაწილაკების აჩქარების ამოცანა იზოტროპულ ფოტონურ ველში ყოფნის პირობებში და შემოთავაზებულია აჩქარების ახალი რეჟიმი. აღნიშნული კვლევა გაგზავნილია საერთაშორისო მაღალ იმპაქტ ფაქორიან ჟურნალში (International Journal of Modern Physics D). ასევე, შრომა გამოქვეყნდა საერთაშორისო სამეცნიერო სტატიების არქივში. აღსანიშნავია, რომ გიორგი პირველი კურსიდან ჩაერთო კვლევით საქმიანობაში და თავისი წინასწარი კვლევის შედეგები "ცოდნის ფონდის" ფინანსური მხარდაჭერით 2016 წლის ფიზიკის სტუდენტურ საერთაშორისო კონფერენციაზე წარადგინა, რომელიც მალტაზე ჩატარდა. თავისუფალი უნივერსიტეტი ულოცავს გიორგის სამეცნიერო მოღვაწეობაში გადადგმულ პირველ და სერიოზულ ნაბიჯს და უსურვებს შემდგომ წარმატებებს.
18-19 მარტს საქართველოს უზენაეს სასამართლოში, ბიზნეს სამართლის ეროვნული ცენტრის ორგანიზებით, სისხლის სამართლის პროცესში - ადვოკატირების უნარ-ჩვევებში სტუდენტური შეჯიბრი ჩატარდა. 19 მარტს ფინალურ თამაშში ერთმანეთს თბილისის თავისუფალი უნივერსიტეტისა და ილიას სახელმწიფო უნივერსიტეტის სტუდენტები შეხვდნენ. შეჯიბრის გამარჯვებული გახდა თბილისის თავისუფალი უნივერსიტეტი.

გვერდები